من طرف zflow الثلاثاء أبريل 21, 2009 6:55 am
الحلقة التاسعة
************
بعد ما أحمد أتكلم مع محمد أخوه أتفقوا على إن أحمد هيصلى أستخارة قبل ما يكلموا والدهم فى موضوع أرتباط أحمد بنهى...
أما نهى فكانت قلقانة جداا على أحمد وخاصة إن الصيدلية مقفولة بقالها يومين.. وعلشان كده قررت إنها تسأل عاطف عن أحمد لكن بشكل غير مباشر.....
وتانى يوم فى الجامعة نهى كانت مستنية تشوف عاطف..
نهى:عاطف أزيك أخبارك ايه.
عاطف: أنا الحمد لله كويس. فيه حاجة يا نهى.
نهى : أنت مالك بتكلمنى كده ليه؟ أنا أصلا غلطانه إنى ندهت عليك عن إذنك.
عاطف: لا والله علشان خاطرى مش تزعلى انا بس واخد على خاطرى من يوم ما كلمتك فى التليفون بس خلاص حصل خير.
نهى: والله يا عاطف أنت زميلى وزى أخويا.
عاطف:أخوكى؟؟؟؟ بس انتى يا نهى......
نهى قاطعته....زى أختك وبس يا عاطف .
عاطف: ليه بس يا نهى؟
نهى: علشان ماينفعش يكون غير كده يا عاطف.... المهم إيه أخبار أحمد أخوك أنا سمعت إنه عرض الصيدليه للبيع...
عاطف بأندهاش :بيع إيه لا هو بس مش بيروح بقاله يومين .
نهى بلهفة:ليه هو تعبان؟
عاطف: يعنى مش عارف بس هو مش فى حالته الطبيعية.
نهى:أأأأأأأأأأأأاه لا ألف سلامة عليه. معلش ياعاطف مضطرة أسيبك دلوقتى.. سلام
عاطف: سلااااااااااام.
-طبعا عاطف رجع البيت ومعاه خيبة الأمل راكبة جمل وأول ما روح ع البيت دخل على أحمد فى الأوضة وهو حزين...
أحمد: مالك يا عاطف؟
عاطف:زعلان والله يا أحمد.
أحمد: ليه إيه اللى حصل؟
عاطف:أصلى النهاردة نهى ندهت عليا واحنا فى الجامعة واتكلمنا.....
أحمد بغيرة وحزن: وقالتلك إنها بتحبك.
عاطف: ياريت دى قالتلى انت زى أخويا مش أكتر وما ينفعش تكون أكتر من كده.
أحمد بفرحةمكتومة:والله وبعدين؟
عاطف: ولا حاجة بس سألتنى عليك.... صحيح هو أنت ناوى تبيع الصيدليه؟
أحمد:أبيع الصيدليه؟؟؟؟ مين قالك كده؟
عاطف: نهى إللى قالتلى أفتكرت إنك مش بتروح علشان كده.
أحمد فهم طبعا إن نهى عملت كده علشان تسأل عنه ومعنى كده إنه فيه قبول من ناحيتها.
عاطف: أحمد..أحمد...أنت روحت فين؟
أحمد: لأ معاك.
عاطف: معايا فين أنا هقوم أغير هدومى ...
أحمد: طيب ماشى.
أح---أحمد طبعا كان مبسوط جدا من إللى عملته نهى وقال يبقى كده ديه بوادر الأستخارة .... ومسك الموبايل علشان يكلم محمد أخوه..
أحمد: الو محمد
محمد: أزيك يا أحمد.
أحمد: الحمد لله أنا كنت عايزك بكرة علشان نكلم بابا.
محمد: بس بكرة مش هينفع يا أحمد مشغول جداا
أحمد: ليه بس ما ينفعش تفضى ساعة واحدة؟
محمد: صدقنى يا أحمد بكرة مستحيل .لأنه يوم واحد فى السنة ومقدرش أتأخر عنه.
أحمد: طيب ماشى سلام
محمد: معلش يا احمد هكلمك تانى.
---أما نهى فكانت روحت البيت ونامت لغاااااااااااية الفجر بس صحيت عل حلم شافته..
شافت إن هى موجودةفى مكان وأعدة بتعيط لوحدها وأحمد جيه وكان رابط فى أيده الشمال طرف حبل طوووووووووووووووويل جدا وربط الطرف التانى فى أيديها الشمال برضه وبصيلها بس وسابها ومشى...
وصحيت مفزوعة من الحلم على آذان الفجر وكانت خايفة لأن الحبل أتربط ف إيديها الشمال مش اليمين وقالت إن شاء الله خير الحلم من الشيطانأنا هقوم أصلى الفجرأحسن...
--أما عاطف فخلاص قرر إنه هينسى نهى للأبد
وفال لنفسه: عاااااااااادى جدا جدا أنا ياما أعجبت ببنات وباخد الصابونة مش عارف ليه تقريبا العيب فيا أنا.... خلاص انا مش هفكر فى نهى تانى.........
يا ترى محمد هيكون مشغول فى أيه؟
وإيه موقف والد أحمد لما هيعرف؟
هنعرف الحلقة الحاية أن شاء الله